Da Junyor Eygent

 

Name: Agent P726 a.k.a Padre Salvi
Position: Junior Agent of the Central Intelligence Agency
Mission: Find the person behind the voice of Big Brother
by being a Big Brother Housemate.

Joke lang. Si Agent Cody Banks played by Frankie Muniz ang nasa picture. Kung hindi niyo pa napapanood, si Agent Cody Banks ay isang 15-year old CIA agent. Actually may Agent Cody Banks 2 pa. Hindi na ako magsspoil ng kwento. Panoorin niyo na lang ang Agent Cody Banks sa AXN (pakalat kalat ang sked kaya better watch AXN kung anung sked niyo siya next mapapanood). Yung 2 naman, sa Star Movies.

Patuloy tayo sa topic ng pagiging agent. Napansin ko sa movie na ang isang agent ay matalino (check?), madiskarte (minsan?), at masikreto (hindi!). Napansin niyo na di ako sure na meron akong qualities na ganyan. Pero malay niyo, niloloko ko lang kayo na hindi ako ganyan. Yun pala Philippine Junior Agent of The CIA na pala ako. Ang mission ko pala ay maging PBB housemate kasi kinokontrol pala ni Big Brother ang mga utak ng housemates using a mind controller (dun sa Agent Cody Banks 2 nanggaling ang idea).  Baka naman meron na pala akong spy na nagmamasid sa bawat kilos ko at binabasa ang mga post ko. Wah. Isusubmit ko na ang mga I.P addresses niyo para matrace ko na kung sino sa mga links ko ang espiya ko pala.

Dun naman sa movie, nakahalik na si Frankie Muniz ng isang Hilary Duff at isang hindi ko kilalang babae mula sa ACB2. Nainggit nga ako kanyang kagwaphuan, kamandag at coolness kasi kahit kinse anyos pa lang yun, nakahalik na yun ng mga babae. Hindi lang yung tweetums na parang sa mga About your Love (mga tipong Rayver-Shaina), pero yung kiss na parang nilalasahan mo yung buong labi niya (masyado pa silang bata para sa french kissing) .  Na-amaze din ako sa kanya kasi marunong na siyang magdrive! Wah. Kailangan ko na ring matuto para maitakbo ko na ang crosswind namin at mapaikot ikot sa University Oval.

Hehe. Naisip ko nga kung magkakaroon pa uli ng pangatlong Agent Cody Banks eh magmumukha na itong James Bond kasi malaki na itong si Frankie ngayon. Baka hindi lang mga patweetums at pacute na kiss ang gawin niya. Baka talagang i-French na niya ang partner niya. Matalo pa niya si Pierce Brosnan. Naisip ko rin na kung hindi na siya mag-aAgent Cody Banks eh siya na ang papalit kay Daniel Craig (na hipon, kasi ang tanda ng itsura. katawan lang ang kailangan mo) bilang James Bond.

Naisip ko nga na kung member ka ng CIA, ang daming uber cool gadgets na makukuha mo sa kanila. Yung cellphone na nagiging sniper saka password detector. Saka cool pa yung mga kotse at mga headquarters nila. Ang cool rin na may access ka sa Pentagon at kung saan saan pang mga lugar na headquarters pala tulad ng basement ng Smokey Mountain (ay, nasabi ko. Pero try niyong pumunta dun. Di niyo alam kung saan ang entrance). Ayan, pinapatawag na ako ng aking partner mula sa aking watch-slash-communicator with over 578 uses sa aking mission. Sige.

A pols alarm

Isang Himala.

Naging instant doctor ako nung ipatawag ako ni Mama, upang for the nth time, ay ayusin ko si Compy. Para talagang isang himala na hindi umatake ang Trojan na iyon (Bumalik na sa Troy) habang ibinabalik ko sa ayos ang pagkakainstall ng Windows XP Home Edition. Nakakainis rin na hindi na maibabalik ang mga dati naming files kagaya ng aming pictures sa Hongkong na nakalimutan kong i-burn. Pero sobrang saya na talaga akong balik na ulit sa ayos si Compy. I promise to him na hindi na ako magdodownload ng mp3 files na may kasamang Trojan.

 ~~

Kanina ay pinagawa ako ng tula ni Mrs. Larcena. Para ito sa project na A Vision: Anthology of Creative Student Writings na under sa iEARN. Kailangan kasi nila ng isang poem na ibang language. Bigla namang naispatan ako nitong si Ma’am Larcena at biglang nagrekwes ng flash-french-poem. Ako naman tong si “Best in French” na gumawa ng tula. Heto ang ginawa ko kanina:

 Le Hibou

Le Hibou se tient toujours sur la branche de l’arbre,
Parmi les feuilles qui balancent avec le vent.
Ses yeux au loin comme si il ne dort pas
Et ses oreilles écoutant le silence de la nuit.

Ses ailes sont ternies dans blanc et gris
Et ses griffes si petits pourtant dièse.
Son corps, si invincible!
Il s’inquiète moins de froid de soirée.

Le hibou s’est agité ses ailes.
Il a monté au ciel foncé.
Je le vois vol d’une manière élégante.
Je ne peux pas l’aider mais adorer.

Mukha lang yan maganda kasi di niyo gets. Eto ang translation niyan:

The Owl

The owl stands still on the branch of the tree,
Among the leaves that sway with the wind.
Its eyes wide as if it does not sleep
And its ears listening to the silence of the night.

Its wings are tarnished in white and gray
And claws so small yet sharp.
Its body, so invincible!
It cares less of the evening chill.

The owl flapped its wings.
It soared up to the sky.
I see it flying elegantly.
I can’t help but to adore it.

O diba?

~~

Usapang PBB ulit!

Inannounce na ang next 6 sets of big red phone calls at ito ngang si Bruce ang nakatanggap ng 8th call na entitling him to have a secret date with another housemate. He surely had a good news. But the next 5 calls are the exciting ones.

• 9th call - Sadako for a day

• 10th call - Blindfold (w/o help from any other housemate) for a day

• 11th call - Conquer a fear task

• 12th call - Ahitin ang kilay

• 13th call - The Judas’ Kiss where the recepient of the call will kiss one housemate which will be automatically nominated. (Exciting!)

Naparusahan nga itong si Zeke for being rude to the girls inside by being an Old-fashioned Filipina named Imelda. Nakakatuwa nga itong task na ito na super kailangan niyang maging babae. Hehe. Mukhang matitbo yata itong si Dionne.

Sa tingin ko na ang kanilang weekly task na Water Mill or No Meal ay magtatagumpay. Kailangan lang kasi dito ang kasipagan, na nakikita ko namang punung-puno ng ganito sa mga housemates. Manood na lang kayo this week para sa marami pang happenings.

A looooong hiatus awaits..

Na-ring ang big red phone sa bahay namin. Dala ni Big Brother ang isang BAD NEWS.

Magkakatrojan ang computer niyo!

Ayun nga. Ipapaayos nga namin si Compy. Ipapareformat. Nagkasakit ang bestfriend kong si Compy.  HuHuHu. Ipagdasal niyo naman si Compy na sana gumaling na siya agad.

Anyways. Punta na naman tayo sa topic na favorite ko, ang PINOY BIG BROTHER.

Nung Sunday nga ay naalis itong si Jasmin. Not much to my dismay, si Bea naman ang nakareceive ng seventh call. Automatic Nomination. Si Dionne ay may hinaharap na kaso ng violation. Sa tingin ko ay Not Guilty tong Lovable Sweetheart na ito dahil mas kinakampihan ng mga housemates itong si Dionne dahil sa rudeness ni Zeke. Mainit na nga itong usapan sa aming classroom (Syempre, led by yours truly). Inilabas na rin kagabi ang second set of nominees. Sina Bea, Zeke, Dionne, Gee-ann at Wendy. Inirerekwes ko na kahit sino ang iboto maliban kay Bea. Bakit si Bea ang dapat maalis?

Nominees:

1. Zeke - Bukambibig ng mga tao dahil sa kanyang mga issue towards her behavior and rudeness sa mga babae. Nalilink kay Dionne kaya dapat siyang mag-stay pa ng mas matagal.
2. Dionne - Paano pag-uusapan si Zeke kung wala si Dionne. Si Dionne at si Zeke ay magandang topic kapag nabobore kayo. Maganda pa panoorin ang mga scandal nila. Tulad na lang ng Chocolate Scandal.
3. Gee-ann - Marami siyang fans saka humble saka maganda.
4. Wendy - Para marami pang away to look forward to. Maganda rin siyang tingnan with Robert.
5. Bea - Parang nanay na walang kaaway. Boring sa mga discussions. Wala masyadong impact.

Ayun. Si Bea ang natira.

Dun naman sa issue ni Zeke at Dionne. Nakakainis lang si Zeke kasi inilalaglag niya itong si Dionne. Halatang gusto rin ni Zeke itong pinaggagagawa ni Dionne pero pagdating sa reasoning out, nagmamalinis siya. Nakita ito ng mga housemates kaya siya ang nakakuha ng may pinakamaraming puntos. Isang example na ang chocolate issue. Pinapakuha ni Dionne ang Chocolate na nasa bibig niya kay Zeke dahil mahuhulog na ito at mamamalantsa siya. Si Zeke naman na parang gustong makipaghalikan ay kinuha ang chocolate sa pamamagitan ng bibig. Pwede namang kamay ang gamitin niya. Nakita pa ito ni Jasmin na nagpalaki nitong issue. Ayun.

Kayo, sino kinakampihan niyo sa dalawa?

Usapang Jeepney 2

Nabasa niyo na sa USAPANG JEEPNEY (or kung hindi pa, optional kung babasahin mo muna ito) ang aking mga hinanakit tungkol sa mga baggage boy na driver, mga burloloy sa jeepney at mga experiences na hindi malilimutan. Ibinabalik ko ang usapang jeepney para pag-usapan naman ang mga spiderman. Di mo kilala si spiderman?

Spiderman (spay-der-man) n. - isang barker-slash-konduktor-slash-muscleman-slash-accountant-slash-stunt man-slash-everybody’s friend-slash-diktador ng mga pasahero.

May iba’t ibang klase ng spiderman. May bata (umaabot ng 10 years old) at di lalagpas ng mga 45 years old (duh, muscleman at stunt man nga eh. kelangan strong). Tinatamad talaga ang mga jeepney drivers sa amin kaya nangangailangan sila ng mga spiderman nila. Actually, beneficial ito para sa lahat. Kasi…

• Makakapagconcentrate ang driver sa kanyang dinadaanan. Iwas aksidente.
• Maibabalik ang sukli mo sa bente dahil si spiderman na ang iintindi sa bayad mo.
• Si spiderman na ang aawayin mo kapag may problema kaya pwede mo na siyang sapakin without the cost of an accident.

Anyways, nainspire akong gawin ang post na ito dahil sa spiderman namin kanina. Siya ay nakasuot ng asul na t-shirt na may butas sa kilikili. Hehe. He is truly a stuntman kasi naman naka-57 (exagg.) poses na siya sa baras ng jeepney. (As we all know, kung saan matatagpuan ang mga spiderman). Ako na nga natatakot para sa kanya. Kasi ba naman, nag-140 mi/hr na yung jeepney tapos ang hawak lang niya dun sa baras eh parang nakacling lang ung wrist niya dun. (breathe naman..)

Isa sa mga di ko nakakalimutang spiderman ay yung pinakabata of all. Siguro mga 10 years old lang talaga siya (child labor). Papunta kami sa bertday ni Toni so sabay sabay kaming sumakay ng jeep. As a group accountant, ako ang nagbayad dun sa bata. Di yata nacarry nung bata yung sinabi ko.

“Bayad po, siyam na estudyante”

Grabe ba naman. Inutusan niya kami na isa isahin yung bayad. Eh nagkasuklian na kami. Na nose bleed lang yung bata sa 54 pesos na ibinayad ko sa kanya. Hehe.