Ang aking Friday the 13th sa UP

 WARNING: EXCESSIVE STORY TELLING AHEAD.

Ayoko nang magkwento tungkol sa graduation namin kahapon. Basta uber normal lang ang mga nangyari. Puro kulot pa rin ang hairstyle ng mga babae. Blue is for boys; Pink is for girls - sa Sampaguita at Corsage. Diba normal lang? Kaya ikukuwento ko na lang ang UP adventure namin ni Tim Ang kanina.

Inayos namin ang medical namin kaya we decided na pumunta doon sa UP Diliman. Mukha talaga kaming mga inosente. Kami lang ang tingin ng tingin sa labas ng jeep habang nakasakay sa UP Pantranco papuntang UPHS. Sabi ni Tim Ang, yung UPHS raw eh nasa tabi ng Shopping Center, isa sa mga alam kong puntahan dun. Tingin pa rin ako ng tingin sa daanan kasi baka lumagpas kami. I tried my best pa rin to remember the buildings para alam ko kung lalagpas na kami sa susunod.

Mababait naman ang mga tao dun sa UPHS. Carry nila ang innocence namin sa lahat ng bagay. Kahit tanungin mo pa yata sila ng kahit ano, sasagutin nila. Nakakatuwa rin na nakangiti sila sa akin kapag nakakasalubong ko sila. Actually, tapos na akong magpa-medical. Isasubmit ko na lang ang results para makuha ang aking medical certificate. Pero may problema daw sa x-ray results ko kaya pinapose nila ako sa x-ray na ala-Matrix. Cool.

Hindi pa natapos si Tim Ang sa kanyang medical kaya lumabas kami ng UP para kumain. Saka na kami kakain sa loob kapag nandun na kami. Plano sana naming mag-SM North pero tinamad kaming maghanap ng jeep kaya nag-Mcdo na lang kami, yung malapit sa Quezon Ave. MRT Station. Pero bago yun, nilakad namin ni Tim Ang mula sa Mcdo hanggang sa Big Brother House dahil hindi pa ako nakakapasyal dun. Pers taym ko makita ang BB House. Inikot namin ang ABS-CBN at pinasok ang ELJ Building. Syempre, wala kaming ID kaya inikot na lang namin ang The Loop. Grabe, ngayon ko lang nalaman na kaya pala The Loop iyon eh kasi nagloo-loop siya sa paligid ng ELJ Building. Hehe.

Bumalik kami para sa medical ni Tim Ang at habang siya’y ineeksamin, nag-internet naman ako sa shopping center. Ikinuwento niya sa akin ang Triage (Physical Exam) na pinagdaanan niya. Pasalamat akong hindi ako maggaganun. Pero sabi naman niya, masaya dun. Nakakatuwa raw na doctor si Dr. Ricardo Garcia III. Hehe. Ayoko ikwento sa inyo para mathrill kayo sa pagpapaphysical.

Naisipan naming kumuha ng Request para makuha ang Form 137 sa Registrar. Napag-alaman ko sa 2 tao na sasakay ka ng TOKI jeep para makapunta dun. Grabe, kala ko talaga naligaw na kami kasi talahiban na yung pinasukan ng driver. Napag-alaman kong ihahatid pala ang iba dun sa Math Building, ang remotest building. Nakita kong ngumiti yung driver habang tinatanong ko sa kanya kung anong building yun. Masyado kasi kaming inosente eh. Nakarating na nga kami sa Registrar kung saan nakakahiya talagang pumasok kasi maraming Isko’t Iska mismo ang nag-aayos ng kanilang mga isasummer at clerance. (ewan ko. di ko alam ginagawa sa registrar). Naglakas loob lang talaga ako sa Guard para malaman na sa window na may pangalang ADMISSIONS ang pupuntahan. Naging maayos naman ang daloy ng aming komunikasyon at tuluyan na rin kaming umuwi.

Dahil sa adventure ko sa UP, napag-alaman kong:

• Elibs na ako kay Curbsides dahil uber layo ng PNB sa Math Building. Nilakad niya yun. Siguro ako, hanggang Home Eco lang, pagod na ako.
• Wag ka kakain sa labas ng UP at matutong maglakad para maka-save ng pera.
• Maraming tao sa UP. Malalaman mo na lang na Isko/a ang masasalubong mo kung may ID siya.
• Nakakahiyang maging inosente sa loob ng UP. Parang bata ka talaga na naliligaw.
• Nakakatakot ang mga CR sa Diliman.
• May chansang maging star ako sa MYX kapag pakalat-kalat ako sa UP.
• Nakakapagod magbiyahe mula bahay namin hanggang UP at vice versa.
• Pwede akong mag-sandals sa UP.
• Ang cute ng mapang nakapost sa OUR. Parang pang-Enchanted Kingdom ang level. Sana magkaroon ako nun.
• Kahit magpanggap ka pa, mahahalata kang freshmen.

Hindi halatang excited na mag-college. Kung gusto niyo ako makita. Nandun lang kami ni Tim Ang kasama ng iba pang batchmates sa UPHS sa martes ng umaga. Hehe. Sigaw lang kayo ng PADRE SALVI! Lilingon ako at lalapitan kita. Ganun eh.