Dare to watch..

Siguro kahit kaunti eh may alam kayong mga reality shows sa balat ng earth. Alam niyo naman siguro ang Big Brother, ang largest reality show franchise na ginawa na sa napakaraming bansa. Pero dahil adik ako, marami akong napapanood na hindi niyo man lang alam na nag-exist pala. Hindi lang sa Amazing Race, American Idol, Survivor at Big Brother umiikot ang buhay telebisyon ko.

• Paradise Hotel. Pinalabas to dati sa RPN. Eto ang mahigpit na kalaban ng Big Brother USA. May isang hotel na may 11 strangers, every week, may aalis, PERO may papalit na opposite sex. Maaalis ang isang tao kung walang pipili sa kanya na maka-room. Dapat kasi isang boy at isang girl ang magka-room, may limang rooms at isang isolation room. Magiging todo flirt ang nasa isolation room para makakuha ng roommate. Ang kawawang roommateless ay maaalis. Tapos pipili sila mula sa dalawang baguhan kung sino ang papapasukin nila sa hotel. Hindi naman siya walang hangganan. Nagkaroon din ng katapusan kung saan di na sila nagpapasok ng mga bagong hotelmates at isa isa na silang naalis. Nako. Punong puno ng mga graphical scenes na nangangailangan ng patnubay ng magulang.
• The One That Got Away. May isang girlfriendless na being, tapos pipili siya mula sa 7 ex-girlfriends niya. Nako. Parang The Bachelor din na maaalis ang mga babaeng hindi niya feel hanggang sa dalawa na lang ang matira.
• Beauty and the Geek. As the title says, may beauty at may geek. Ang mga beauty ay parang mga Kristine Hermosa at Heart Evangelista na beauty lang talaga ang pantapat. At ang mga geek naman ang nagpapasaya ng show dahil sa kanilang unique intelligence. Siyempre merong mga paligsahan na “taliwas” sa kanilang kasanayan katulad na lang ng quiz bee para sa mga beauty at dating para sa mga geeks.
• Unan1mous – May isang bunker (bahay sa ilalim ng lupa) na may 9 na taong titira. Every week sila ay magbobotohan kung sino ang mananalo ng premyong $1,000,000.00 na nababawasan ng $1 bawat segundong inilalagi nila. Hangga’t hindi sila nakakapagdecide ng isang unanimous decision (kung saan lahat ng kasama mo ay iboboto ka, ikaw lang boboto ng iba dahil hindi pede iboto ang sarili) ay hindi matatapos ang laro. Sa bawat taong lalabas eh mahahati ang natitirang premyo. Sila rin ay boboto ng isang outcast kung saan ang taong iyon ay hindi na pwedeng manalo. Ang catch dun, kasama pa rin siya sa loob ng bahay at boboto kung sino ang mananalo at kailangan pa rin nilang maka-reach ng isang unanimous decision.