State U! Let’s Go!

Simula na ng aking buhay UP. Although sabi ng upperclassmen na madali lang ang enrolment para sa aming mga baguhan sa iskwelahan, nakakapagod pa rin siya. Aware naman ako na 6.02 x10^23 ang hirap ng enlistment sa darating na mga taon ko sa UP. Kaya wish me vitality, intelligence, strength, dexterity, agility at luck (RAGNAROK to ah!) sa pagpasok ko sa isang pagsubok that will determine my future.

Para simulan ang araw, may college briefing para sa EEE Department na naganap dun sa Auditorium ng Engineering. Actually, hindi kami nakarating dun sa lecture tungkol sa mga Orgs and EEE stuff kasi ba naman, 10:00 na kami nung dumating. Ang naabutan na lang namin dun eh yung Advising kung saan ibibigay nila ang Form 5a (kung saan makikita mo ang subjects na iyong inenlist sa Computerized Registration System ng UP Diliman) at ang iyong student directory (2 copies, don’t forget to sign it!). Sabi naman kasi sa sulat ng UPd, Passport Size ang dadalhing size ng pic, tapos, pagbungad ng student directory, 2×2 na ang kailangan nila. Anu ba yan!

Pagdating namin dun, napag-alaman namin na alphabetized ang advising na magaganap. Kawawa tuloy ang aking friend/coursemate/ym-mate/blogmate/frustrated blockmate/duckpin classmate/ex-hs classmate/textmate na si Kimberly Chierdezelle Cochingco WY. Letter W pa siya. Pagkatapos na dumaan sina Chua, Tan, Ong, Lim, Sy, Mahinhin, Maaalahanin, Hampas-lupa, Kutong-bato, Babang-luksa, Santos, Reyes, Cruz at DAYANDANTE, naadvise na rin siya after ko pang matapos ang aking enrollment. Grabe, sa tinagal-tagal din ng pilahan na dinanas ko sa enrollment, nag-aantay pa rin siyang maadvise. Kim, although you are alphabetically discriminated, hindi ka naman intellectually incapacitated at physically inept. Saka mag-asawa ka ng Aaaaaa ang apelyido para di mo na maranasan ang ganyan. Haha.

Kami ang pers batch ng mga Freshies na mag-eenrol. Kasama naming mga genius ng College of Engineering - EEE ang mga Inglisero/a ng College of Arts and Letters at mga Conyito/a ng College of Social Science and Philosophy (ayon ito sa isa pang taga-cssp na kasama ko). Nagsipilahan kaming lahat sa Engineering (as popular to us, freshies, as Melchor Hall) upang ayusin ang kanya-kanyang klaseng papasukan at magfill up ng aming historical (dahil pinakauna) na Form 5. Buti na lang eh nadiscover ko habang isinusulat ko pa lang ang pangalan ko na nakokopya pala sa ibang cashier’s at registrar’s copy ang isusulat mo sa student’s copy kaya natuwa ang aking tamad na kamay sa pagsusulat. Meron akong mga kilalang hindi nadiskubre agad ito at kawawang nagsulat sa tatlong kopya ng Form 5 nila.

Ayon sa Form 5 ko, magbabayad daw ako ng Php 21,376.00 lang naman sa tuition. Ang lokong Padre Salvi kasi, hindi nag-apply ng STFAP. Haha. Subukan ko na lang sa hinaharap. Pabababain ko muna ang kuryente at tubig namin para mas mababang bracket kung sakali. Haha.

Kinabukasan eh nagkaroon ng Freshman Orientation Committee. Pagpasok ko pa lang sa Assembly sa labas ng Auditorium eh napa-utang na ako kay Kim kasi gusto ko bumili ng Freshie Shirt na binebenta nila. Then nagpasign up na kami dun sa mga tao sa labas at bingyan kami ng brown envelop (symbolism ng innocence/ pagiging freshie accdg. to me) na may nakasulat na “Mabuhay Ka, Iskolar ng Bayan — UP DILIMAN”. Nagmistulang comedy bar ang Diosdado Macapagal Auditorium ng School of Economics dahil sa hosts na sina Kuya Jeff at Kuya Marvin. Natuwa naman ako dun sa Program lalo na sa mga Intermission Number ng UP Korus, at mga Orgs sa CMC na nakalimutan ko na kung anung pangalan nila. Tinuruan pa kami ng UP Cheers courtesy of UP Pep Squad. Sa bahay eh sigaw ako ng sigaw ng mga Hey! Hoh! State U! Let’s Go! at U-Na-I-Ba-E-Ra-Sa-I-Da-A-Da Na-Ga Pa-I-La-I-Pa-I-Na-A-Sa. Kewl na Kewl.

~~

Para sa aking next post, Ipopost ko ang inyong mga sagot tungkol sa tanong na ito.

Kung makakasali kayo sa isang reality show, anu ito at bakit? (pede dalawa o higit pa basta may explanation bawat sagot)

Paabutin ko muna ng higit sampu ang mga sagot bago ko ipost. Inaasahan ko ang inyong mga mabulaklak na mga rason!