A Lame First Day

Di ko alam kung maikokonsider ko na First Day itong araw na ito.

8:30 ako nung nakarating sa UP. Nagpaaga ako kasi magbabayad pa ako ng tuition kong kay mahal [JUNK TOFI!]. Nako. It was a wrong decision. Forever maikli ang pila kanina sa bayaran. Kaya ayun. Nag-istambay ako ng pagkatagal tagal sa AS entrance. Ang unang klase ko pa kasi ay 11:30, which is Chem 16 Lab. Nabalitaan ko na hindi nagsisipag-siputan ang mga prof sa laboratory. Tama nga ang teorya nila. Nagkaroon pa tuloy ako ng another 3 hour break.

Habang nag-aantay ako nun sa teacher ko sa Lab, sumegue kami ni Martin upang hanapin ang kanyang nawawalang classroom. Baka ang iba sa inyo ay alam na ito, ngunit para sa aming mga baguhan, ang hirap hanapin ng PH 1327.

Oh, nakarelate ba kayo? Isa kami ni Martin sa mga nadenggoy nitong room na ito. Nalate pa tuloy siya sa kanyang lecture.

Habang nag-aantay sa aking next class, nakipag bonding muna ako sa aking mga friends. Dun kami ulit sa AS entrance. Hanggang sa lumipas ang oras at boom. 2:30 na. Sa lec section ko, mukhang wala nang nalinlang ng tinatawag na “The Secret Staircase” ng Chem. Andami na kasi nila.

As usual, OP na naman ako. Si Jake lang talaga ang kilala ko sa section na iyon. Habang wala pa ang prof namin, naghahanap na ko ng aking pwedeng maging lab partner. Shet. Mukhang wala. Kaya nanahimik na lang ako at nakinig ng aking mp3. Pero moments later, dumating ang aking prof! Si Dr. Jim Minglana.

Mixed Emotions ang nadama ko nung time na iyon. Nanosebleed ako sa syllabus na ibinigay niya, natakot ako sa mala-terror na mga pananalita niya, kinabahan ako sa index card approach na recitation tactic niya. Nako. Natakot ako sa Chem16 nung time na yun.

Pagkatapos ng kanyang mini quiz, inalisan ko na siya agad para tumakbo sa aking Math53. Pero mahal ako ng kalangitan, nagbuhos siya sa akin ng isang napakalakas na ulan. Haiz. First day, basa ako sa Math53.

Pagdating ko sa room namin, naoverwhelm ako nang makakita ng kakilala. Classmate ko pala ang dating blockmate na si Nikko. Sad to say, di sumipot ang prof namin. Excited pa naman ako.