Bangaroogs

Ngayon [12 am na pala] = End ng Sem

Sa Unibersidad na pinapasukan ko, ang end ng Sem ay may ibig sabihin na:

1. May Finals ka pang aabangan.
2. Pag-ikot mo sa ang buong unibersidad para maghanap ng iyong pre-final standing, nagbabaka sakaling ma-exempt ka sa pagkuha ng Finals.
3. Pag-ariba ng mga professors sa kareremind na may make-up classes pa, kapalit ng absences nilang hindi ang estudyante ang may kasalanan.
4. Pagkapagod ka sa karereview ng sakop ng buong asignaturang mahirap.
5. Paghabol ng mga requirements na ipinagpalipas mo dahil “malayo pa naman ang deadline”.
6. Pagharap sa isa na namang matinding enrolment pagkatapos ng iyong inaasam na bakasyon.
7. Pagpaalam sa mga classroom crushes at seatmates. Umaasang pagsasamahin ulit kayo ng CRS.
8. Pagpaalam sa mga inaasam na professors. Umaasang pagsasamahin ulit kayo ng CRS.
9. Pagtakas sa mga prof na nagpapaulan ng singko o maaga mo nang natakasan dahil nagDROP ka na.
10. Bawal nang humiram ng libro sa library o pagsauli na ng overdue na librong nung unang araw ng sem mo pa hiniram.
11. Mag-aantay ka na lang sa CRS kung singko ka sa Class Card at saka makikiagaw sa enrolment para iretake ang subject.
12. Langit para sa mga nagcram noong mga huling araw.
13. Kasiyahan para sa mga gagraduate, University Scholars at College Scholars.
14. Pagsubok para sa mga Undergrads at Maximum Residency Rule pips.
15. Gawaan ng mga Do’s and Don’ts para sa susunod na sem. Hindi naman ito nasusunod.