My Dad, The Barber.

Dahil nga high school teacher itong si Inay, inis na inis siya sa mga buhok naming mag-aama na sobrang haba. Ilang beses na rin niyang inasar ang buhok ko na pinangingitlugan ng ibon. Tutal, enrollment na bukas at kailangan ko ng new look para ipakita sa aking mga batchmates, nagdecide na akong magpagupit.

As usual, eyeballs lang ang maigagalaw mo pag ginugupitan ka na. So habang iniikot ko ang eyeballs ko around the room, nakita ko ang isang buong pamilya na sumugod sa barber shop na pinaggugupitan ko nung sandaling yun. Pagpasok na pagpasok nila ng BS [Barber Shop] at nakita kong nakasumbrero yung isang bata.. alam ko na kung ano ang pakay nila.

Flashback

Nakabili si Itay nun ng hair shaver sa isang department store. Alam naman natin na hidden desire ng mga Tatay ang maging barbero ng kanilang mga anak. Tayo naman ang mga batang walang kamalay-malay sa pinaggagagawa ng mga Tatay natin. Nagpower-tripping siya na gupitin ang buhok naming magkakapatid. As usual, panganay is always first. Kaya sinabak na ako sa gupitan. Inexpect ko na na hindi magiging comfortable ang session na iyon. Pinatunayan pa nito ng iyak ko habang ginugupitan, kaya naman tumakbo na kami ng tatay ko sa nearest barber shop para ayusin ang gulo. Hindi na kailan man nag power tripping si Itay at naging Electrical Engineer na lang siya sa tanan ng kanyang buhay.

Pag-alis nung bata ng sumbrero, anlaki na nung damage nung tatay. Pinigilan ko lang yung ngiti ko nung sinabi nung tatay na itira ang patilya nung bata. Tapos sabi nung barbero, destroyed na raw masyado yung patilya para itira pa. Kawawang bata. Isang biktima ng mga power-tripping na tatay.

Kaya sa magiging asawa ko, alam ko na kung anong power tripping ang gagawin ko sa magiging anak natin. Gantihan lang yan!